Giovanni Gioviano Pontano hendecasyllabi 1, 5

Testo base di riferimento: B. Soldati, 1902

Cura dell'edizione digitale: M. Montalto


5. ad Marinum Tomacellum
de lege balneorum virginibus dedicatorum

His virguncula thermulis lavetur,

Nullam quae venerem integella sensit;

His se balneolis lavet puella,

Nullum quam tetigit viri cubile;

5

Hoc se fonticulo eluat sacerdos,

Nullae quam recreent amoris aurae.

Quod si quae laticis sacri pudorem

Et castum temerarit ausa fontem,

Iratae timeat minas Dianae.

10

Haec lex est tabulae deae dicatae,

Vis haec thermuleae dicationis.

Squalent hinc latices, Marine, sacri,

Et serpunt hederae deae sacello;

Nullae his virgineis aquis lavantur,

15

Nec casta est quoniam, nec integella

Seu virguncula, seu puella, sive

Custos romulei foci sacerdos.