Giovanni Gioviano Pontano de tumulis 2, 31

Testo base di riferimento: B. Soldati, 1902

Cura dell'edizione digitale: M. Montalto


Tumulus infantuli vagientis.
Viator et Genius colloquuntur

Viator

Mira fides, tumulo vagit puer. Ecqua sub urna

      Vmbra gemit? Miseris en gemit umbra modis.

Praesidet huic tumulo quisnam geniusve deusve?

      Vnde haec tam querulo vox geminata sono?

Genius

5

Hic infans iacet Vmbrenus, miserabilis infans,

      Vivit morte sua, crimine matris obit.

Haec urso assuescens, urso fit mater. Ibidem

      Morte obita. Mortem poena secuta sua est,

Vt puer in tumulo vivat, petat improba mater

10

      Vt Styga, et hinc stygias nocte reportet aquas,

Quis puerum in tumulo pascat. Vagitus hic inde est;

      Poena obitus matri, vita quidem puero.