Giovanni Gioviano Pontano de tumulis 1, 47

Testo base di riferimento: B. Soldati, 1902

Cura dell'edizione digitale: M. Montalto


Tumulus Pruinae puellae. ipsa loquitur

Nec mihi tristis hiems nocuit, nec saevior aestas,

      Non terrae, aut tumidi vis inimica maris;

Tabida vis rapuit, rapuit violentia febris;

      Delicui, ut rapido sole pruina liquet.

5

Heu nomen fatale; perinde ut sole pruina,

      Sic ego pallenti tabe liquens perii.