Raffaele Zovenzoni Istrias 2, 76

Christophoro Mauro duci Veneto illustrissimo

Maure, meum licet Aonia sine fronde capillum

Aspicias nullisque chelym splendere smaragdis,

Arma tamen Venetosque canam, si numine laeto

Dum aderis veniunt iterum in certamina divi

5

Atque iterum Cytherea suum male saucia Martem

Exorabit, equos iterum sudabit Erinys

Sanguine caeruleo victrix, ubi gurgite clamis

Ibit ovans victosque vehet sub foedere reges.

Haec ego, dux, tibi, Maure, canam: tot aperta videbis

10

Proelia, totque viros obscura morte iacentes

In superos lucemque traham, tua gloria terras

Cinget et Oceanum magnumque tenebit Olympum.