8. epitaphium Zucarinae catellae amoenissimae

Nomina cui dederant dulces ab arundine suci,

      Extremum clausit pulchra catella diem.

Candidior cycnis fuerat niueisque ligustris,

      Voce minax, quamquam corpore parua foret.

5

Inque fores saeuis ardebat dentibus, inque

      Notes alludens, placida, mitis erat.

Mox periit, postquam bis quinque peregerat annos.

      Deliciae domini, blanditiaeque domus.

Et cui iam dederat formosa Bononia uitam,

10

      Attulit. heu! miseram barbara terra necem.