Tito Vespasiano Strozzi eroticon 2, 8

Testo base di riferimento: Anita della Guardia, 1916

Cura dell'edizione digitale: Cristina Zanatta


8. somnium

Nox erat et varias agitabam pectore curas,

      Cum tandem oppressit lumina sera quies.

Hic mihi per somnum mista formidine certam

      Spem dedit, atque animos sumere iussit Amor.

5

Namque mare ingressus portu prodire videbar,

      Quique ratem regeret navita nullus erat.

Littore constiterat iaculis armatus et arcu,

      Et pharetra accinctus versicolore puer,

Huius erat facies, qualis cum luteus ora

10

      Exerit eoo Delius Oceano.

1a

Nox erat et varias agitantem pectore curas

2a

Serior oppressit me Nicolae quies.

3a

Tum mihi, quae magnos cupio bene vertere divos,

4a

Anxius immisit somnia moesta sopor.

5a

Nam mihi visus eram pictam conscendere navem

6a

Et placidum remis sollicitare salum;

7a

Formosusque puer sublimi in puppe sedebat,

8a

Qui puto divorum sanguinis unus erat.

9a

Huic cum Narcisso phryx cederet alite sacra

10a

Raptus et Alcidae maximus ardor Hylas.

Myrtea cingebant auratos serta capillos,

      Nullaque in aligero corpore vestis erat.

Ille ducem mihi se, moderatoremque carinae

      Obtulit, et coeptum tendere iussit iter.

15

Tum levis insiliit puppim, clavumque magistra

      Arte regens, Zephyris vela ferenda dedit.

Provehitur pelago cita crebrescentibus auris

      Pinus et immensum protinus aequor arat.

Ipsa videbantur vario discurrere lusu

20

      Agmina Nereidum, quae freta salsa colunt.

Hic Ephyre, Drymo, Cydippe, Arethusa, Gryopis,

      Xanthia, Cymodoce, Lysis et Opis erant;

Pone sequebantur Cyrene, Glaucia, Doris,

      Lyriope, Cloto, Psychia, Lemothoe.

25

Quas inter vix dum posito Galatea timore

13a

Lumina velatus pharetramque arcumque gerebat,

14a

Ipse regens, Zephyris pandere vela iubet.

15a

Coeruleos fluctus ventis impulsa carina

16a

Findit et immensum protinus aequor arat.

17a

Ipsa videbantur molles agitare choreas

18a

Agmina Nereidum quae freta salsa colunt.

19a

Hic Ephire et Drymo, Xantho, Legea, Licoris,

20a

Cydippe atque Opis, hic Aretusa fuit.

21-025a

Quas inter deflens Atyn Galatea peremptum

Narrabat flammas trux Polypheme tuas.

Nomina sed longum est tot commemorare dearum,

      Totque simul nandi connumerare modos.

Pars alterna iacit pulsato brachia ponto,

30

      Et vix parte movet posteriore salum;

Pars maris ima subit piscantibus aemula mergis,

      Pars nisi quod superest vertice tota latet.

Haec veluti in modum duplicato poplite fertur,

      Remigat haec pedibus, dum resupina iacet.

35

At male dissimulans ardorem his mista Deorum

      Spumiferas ingens turba secabat aquas.

Hic ego Arionium delphinem ludere vidi,

      Tempora cui pietas vivere longa dedit.

Et varii tremulo nabant in marmore pisces,

39a

Et varii nabant vitreo sub gurgite pisces

40

Aegaeum quales Ioniumque ferunt.

40a

Multaque cernere erat quae non Laertius heros

40b

Ante pererratis viderat aequoribus,

40c

Quamvis Dedaliae tetigesset littora Circes

40d

Legissetque tuas, vasta Carybdis aquas.

Hic mihi, quam tutum fragili considere ligno

      Ostendere brevi ventus, et unda mora.

Namque ea dum miror, pelago provectus aperto,

      Decrescunt montes, littora diffugiunt.

45

Post, ubi conspectu tellus summota recessit,

      Hinc Notus, hinc Boreas, Africus inde ruunt.

Vndique convulsum feriunt mare, dumque tuetur

      Quisquis suas parteis diripuere solum.

Involvere diem nubes, caecaeque tenebrae

50

      Insurgunt et nox ingruit atra mari.

Intonat horrisono coelum, se murmure miscens

      Et sua terribilis Iuppiter arma ciet.

Ignea discussis erumpit nubibus aethra,

      Deucalioneae praecipitantur aquae.

55

Nunc ferit immenso Neptunus sidera fluctu,

      Et nunc diductis terra aperitur aquis.

Tollitur in coelum, summoque in gurgite pandet,

      Tartara mox praeceps fertur ad ima ratis.

56a

Imaque nunc lapsis terra dehiscit aquis

57a

Tollitur in coelum navis mox in vada praeceps

58a

Fertur et humentes implet harena foros.

At puer insanis agitari ut fluctibus aequor

60

      Terribileisque poli sensit adesse minas,

Evolat et celsae residens in vertice rupis,

      Eventum saevi prospicit inde mali.

Deficit auxilio spoliata carina magistri,

59a

At puer ut vastis consurgere fluctibus aequor

60a

Terribilesque poli sentit adesse minas,

61a

Evolat et comitem pariter cum nave relinquit

62a

Saevaque prospiciens in freta rupe sedet.

63a

Deficit auxilio puppis spoliata magistri.

Atque procellosis ingemit icta notis.

65

Dilacerata furens Aquilo fert vela per auras,

      Et celer eoos concitat Eurus equos.

Correptamque ratem scopulis illidit acutis,

      Lataque per rimas est via facta salo.

Talia cernenti gelidus tremor ossa pererrat,

70

      Sollicitant nostrae numina sancta preces.

Ipsum quin etiam, mea qui modo vela regebat

      Naufragus imploro, coeruleosque deos.

Nec iam restabat misero spes ulla salutis,

      Ante oculos species plurima mortis erat;

75

Cum subito tristeis compescuit Aeolus iras,

      Atque reluctanteis traxit in antra notos .

Tum rapidos fratres latebroso carcere clausit,

      Et rediit pulsa nocte serena dies.

Ipse tridente suo pelagi rex temperat undas,

80

      Lapsus coeruleis per maria alta rotis.

Quem medium vasti comitantur Numina ponti

      Humida roranteis implicat alga comas.

Hic puer ad navem levibus redit impiger alis,

      Sollicitosque iubet ponere corde metus.

85

Exoptata procul monstrat mihi littora dextra

      Atque inquit ridens: Haec tua, Tite, fides?

Exiguam ne adeo spem nostro in numine ponis?

      Quid dubitas? Quid nunc vult timor iste tibi?

An paterer, si me fueras duce creditus undis,

90

      Dicerer ut mortis causa fuisse tuae?

Ille ego sum, quem tu nosti Deus auctor amoris,

88a

Quid dubitas demens? Quid timor iste tibi?

89a

Haud aequum fuerat me sic patiente perires,

90a

Candida si ventis me duce tela dabas.

91a

Si nescis, ego sum teneri deus auctor amoris,

Qui tibi nunc dominam conciliare paro;

Quae nunc difficilem quamvis se praestet amanti,

      Perfer, erit mitis protinus illa tibi.

95

Nec te formosae pigeat servire puellae;

      Quid non Alcides ipse in amore tulit?

Praetereo mortale genus, divosque minores;

      Perdomui Phoebum magnanimumque Iovem.

Ista tuos volui praedicere somnia casus,

100

      Ne curae credas te minus esse mihi.

At tu marmoreis referas pia munera templis

      Quae cum siderea matre Cupido tenet.

Haec ait. Interea navis petit anxia portum,

      Somniaque excussit nuntia lucis avis.