Antonii Possidii Tergestini poetae laureati
sacerdotisque iure consulti in opus sequens epigramma

Vnde opus egregium uenisti? E pectore diuum

      Arbitror, humanae nam nihil mortis habes.

Sunt diuini in te sensus: diuinaque uerba.

      In lachrymas etiam saxea corda moues.

5

Fastidire facis nos haec mortalia tecta:

      Et superos tantum cogis adire sinus.

Thraicius uates mirabitur atque Sophocles:

      Schemate tam pulchro religiosa canis,

Vade igitur, miseras coenoso e crimine mentes

10

      Ad nitidas Christi coge uenire domos.