Ludovico Sardi epitaphium

Qui per lustra fere iam dena hanc rexerat urbem

Tum felix nunc digna colens felicior astra

Hoc iussit moriens includi membra sepulcro.

Estensis Nicolaus hic est, praeclara latinis

5

Gloria, quo nullus rex vixit notior orbe.

Prodiit hic iuvenis si quando invitus ad arma

Bella gerens dux acer erat, sed victor in omnes

Mitis et oppressos populos de nectare pascens.

Iamque senex, tota bellis armisque fremente

10

Italia, fuit et pacis servator et auctor.