1. Lucie consolatio
Nate patris condam Lux unica Gloria matris
Te, precor, a lacrimis abstine, nate, piis:
Non me prereptam fatali sorte dolores
Excipiunt: namque pena luenda michi
5
Sed deus exemptam fragili de corpore celo
Intulit. hic requies nostra peremnis erit:
Grata tamen pietas: cum tristi funere mestus
Fleuisti matrem non superesse tuam.
Ast ego Sfortiadum cernens reuiuiscere nomen
10
Felicemque aulam te duce prole nuru
Glorior: et sacris superum permixta correis
Nunc mihi perpetuos letor adesse dies.
Tu Franciscus eris Ligurum dux Sfortia Victor
Semper: et hinc titulis Lutia clara tuis.
2. eulogium in Leonardum Grifum poetam
Si meritis sacra cinguntur tempora lauro
Principis et summum pendet ab ore decus,
Solus es in latiis, griphe leonarde, camenis,
Dignus Apollinea fronte uirente tegi.