Iam terris fessos Nicolaus marchio liquit
Algentes artus, caelo dedit inclita virtus
Candentem radium, dederat quem rector Olympi.
Alter Alexander, quo nullus mitior unquam,
5
Concordes fecit populos qui saepe potentes
Et duros animos mulcebat pectore molli.
Extinctumque decus latium sic ergo per orbem
Flete senes, iuvenes, pueri, omnis denique sexus,
Laeta triumphabat cuius Ferraria sceptro.