Gloria Pontificum, Salve, Rex maxime regum
Atque pater patriae, Iuli, tutela, decusque
Iustitiae, tu Martis honor, cum bella moventi
Obstas, et merito vim vi propellis ; ad unum
5
Ausoniae cessere Duces; tua signa superbus
Contremuit Gallus, vinci modo nescius ulli,
Vt canis Egypti sitiens cum potat ad amnem.
Fatale est Iulii quando tibi Gallia nomen.
Quo schisma? aut quo conciliabula pluria? Dirae
10
Haec agitant: nebulas in dolia condere vanum est.
In stimulum quisquam non calcitret: optima vitae
Sors est, sorte sua contentum vivere: te unum,
Te Italiae gentes cupiunt, venerantur, adorant,
Expertae quam sit durum servire Tyrannis:
15
Te duce, barbarici rabiem contemnimus hostis.
Te duce, quid paveant populi? cui militat aether,
Stat Deus aeterno cui foedere: maxime Iuli,
Soter ades cunctis: sic nos te fronte serena
Accipimus: meritosque tibi praestamus honores
20
Atque fidem, natas, nos, nostra, addicimus uni:
Pro te equidem prompti quaecumque extrema subire.
Auguror et vinces: sunt in te nulla cupido
Auri, nulla sitis: mens est, atque unica cura
Stat patriae, numerosa cohors de gente feroci
25
Assueta et bello; nervi sunt rebus agendis,
Invictusque animus, rerum experientia. Coeptis
Insiste: (haud dubito) dabitur mox omne quod optas.
Aemiliae e primis sub te coiere quot urbes?
Ecclesiae et Iuli sunt dulcia nomina, dulce
30
Regnum, sub dulci populi ditione perennent.
Te Regem, dominum volumus, dulcissime Iuli:
Templa Deis, leges populis, das ocia ferro:
Es Cato, Pompilius, Cesar, sic Cesare maior,
Sit qualis quantusque velit: civilia bella
35
Suscitat hic, reprimis placidus tu, mitis, et idem
Tu gravis, et nulli est melior facundia: solus
Tu Xerxem superas sumptus spleudore togatum,
Delicium humani generis, spes unica nostri:
Aetatem robur supra est, in pectore robur.
40
In cunctis robur, roburque insignia; victus
Robur erat priscis, homines de robore nati.
Per te vita, salus, per te sunt cuncta renata,
Dasque novam faciem Latio. Vberrima per te
Et nova libertas, multis non cognita ab annis.
45
Gens Itala id debet tibi libera Roma Camillo
Olim quod debet: terra hinc mare, sydera et urbes,
Laetitia acclamant: sed Parma ex omnibus una
Laetior, atque tuum praesens modo numen adorat:
Iulia Parma tua est merito, quas Iulia Iuli
50
Nomen habet, sed re nunc est nunc Iulia Parma:
Parma tibi sese commendat, Parma precatur
Suppliciter, populum addictum tibi, maxime Iuli,
Excipe, et exhaustis libeat succurrere rebus:
Felicem praestent sedem tibi numina, votis
55
Aspirent eadem, nec sit quod gaudia tollat,
Nestoreamque simul fauste egrediare senectam.