De Thoma mutinensi
Alter Aristoteles mutinensi venit ab agro
Qui rerum causas astraque celsa notat.
Limosis novit cur rana coaxat in undis,
Cur tineae libris impia bella ferant,
5
Aere quid volucres faciant, quid in aequore pisces,
Cur lupa velligeras dira sequatur oves,
Cur veniant tonitrus, cur fundat Aquarius undas,
Cur coelum nebulis pressaque terra latet.
Omnia cum novit Mutinae nova gloria Thomas,
10
Stultitiam novit non tamen ille suam.