Doctissimo et Clarissimo Lucae Ripae

Saepe natat paucis annosus piscis in undis,

      Grandis it exiguo flumine saepe ratis;

Saepe fit Eridani putealis clarior unda,

      Saepe fit e parvis rivus amoenus aquis;

5

Ingens saepe vadi lymphis exstinguitur ignis,

      Saepe vitis minimo maxima fonte perit;

Dulcior est semper vasto fons aequore parvus,

      Limosa et semper canna palude viret.