Danielis Fini Tumulus per D. Scipionem Balbum

Si superest ullus sensus post fata sepultis,

      Gestiat, o Daniel, coniugis umbra licet;

Seiunctum voluit non te fortuna iacere,

      Perpetuus cum fas esse negaret amor;

5

Reddidit ergo illi tua mors, quem vita trahebat

      Semper in ingratae tempora longa morae:

Vos modo consortes tumulo requiescite in isto,

      Vnaque tamquam unum contegat urna duos.