Cornelio Paolo Amalteo carminum appendix

Testo base di riferimento: Claudia Zucchiatti, tesi di laurea Università degli studi di Trieste, 1971-72

Cura dell'edizione digitale: Barbara Zlobec


1.

Te moriente, Tryphon, caelo sol decidit et nox

      Orbata est astris, te moriente, suis.

Haec cineres tegit urna tuos at Fama superstes

      Semper ad Eoos ibit et Hesperios.

 

2.

Mirabar qua Galla rubum sibi velleret arte

      Cum, latitans in me, spicula torsit amor

Eque sinu exsiliens quod sentis perdite Damon

      Non alio dixit Paeone vulnus eget.

 

3.

Et calathum et molli vibrandos pollice fusos

      Quosque tibi invideat caerula Doris, acus

Mane domum referes, si cari in saepta Lyconis

      Te referent sero vespere, Galla, pedes.