Epigramma

Ergo etiam audebunt invito numine pugnas

      Sacrilega Veneti continuare rate.

Ergo gerit tantos humana potentia fastus,

      Negligat ut summas omnipotentis opes.

5

Vsque adeone fuit regni imperiosa libido,

      Contra immortalem sumat ut ire deum.

Numquam habet optatos immensa superbia fines

      Et spolia ab domito nemo tonante tulit.

Congreditur leni ille manu cum parcere malit:

10

      Ast ubi non licuit parcere, triste ferit.