Ad Matthaeum Boiardum epigramma
Picus Apollinei nobis rota prima triumphi
Extulit ingenium saepe sub astra tuum.
Teque unum antiquis solitus conferre poetis,
Seu caneres tenui seu graviore lyra.
5
Quem non mentitum novi Matthaee fuisse,
Venit ut ad nostras huc tua Musa manus:
Musa tibulleo mirum tornata nitore
Emollis, simplex, ingeniosa, gravis.
Laetor io laetor: praesenti gratulor aevo:
10
Hoc unus prisco dignius esse facis.