Vade meum doctas Federici carmen ad aures,

      Nostra feras tanto verba legenda duci.

Num refugis? cur adire times? duros ne vereris

      Vultus vel clausas ne patiare fores?

5

Falleris, ah demens: dux te manibusque sinuque

      Excipiet, placidis te leget ipse genis.

Namque hic, si nescis, pilaeo natus in antro est:

      Doctaque Pieriis ora rigavit aquis:

Hic et terrificis Mars est velut alter in armis,

10

      Vnde venit capiti laurea bina suo.

Surge igitur, magni sacras pete principis aedes,

      Laurigerum dicas carmen avere ducem.