Endecasyllabon ad Illustrissimum Ioannem Bentivolum

Foelix o nimis et beate princeps,

Cuius praesidio est beata foelix

Pollens Felsina, nos sumus quieti,

Hoc pro te superos libens precabor:

5

Vt donent tibi Nestoris senectam,

Augusti decus et vicem Metelli

Sit natis quoque faustitas parentis.

Pro me hoc debeo te rogare, princeps,

Vt molli foveas pium clientem

10

Afflatu niveae beatitatis.