Laus equi cursoris ad Hannibalem Bentivolum

Coedat Amycleus sonipes et cedat Arion,

      Xanthus et Hirpinus qui memorantur equi;

Cedant Eumeli alipedes cedatque Podarges

      Atque omnes quosquos rumor in astra vehit:

5

Ocyor hic cervis, volucrum pernicior alis,

      Ocyor est ventis fulmineaque face.

Evolat ante omnes primus longoque senescens

      Subsequitur spacio quisque secundus erit.

It levis atque pedum vestigia nulla relinquit

10

      Pulvere nec certas imprimit ille notas.

Non opus est stimulo crebrisque animare flagellis;

      Sponte volat: calcar mitte, lupata tene.

At tu Bentivolae soboles clarissima gentis,

      Hannibal, eximio vive superbus equo,

15

Qui tibi saepe dabit pulchro in certamine palmam

      Ornabitque tuas fronde virente fores.