Quo te care pedes? An que uia duxit ad aulas
Cesareas? Veros perhibet si fama relatus
Venisti patrie forsan succurrere terre
Post uarios casus, et tot discrimina rerum?
5
Hic motus nobis utinam bene cedat: et ipse
Secludor patria. Quare Fors omnia uersat.
Diceris hortator senes et pondera rerum
Consiliis stabilire suis, et sistere regi.
Gaudeat his Pataue quisquis confinia terre
10
Incolit erectum summa ad prelustria ciuem.
Hic patronus erit uere certissimus, hic est
Vnus, qui nobis cunctando restituet rem.
Ergo uale, bonefauste, Deus te dirigat, atque
Regem illum, sibi quem totus desiderat orbis.
15
Vnum, oro, dilecte mi, si castra sequereis,
Progressus, actusque notes, et forcia facta,
Que mandare meo possim distincta libello.
Nunc specto, tendoque chelim, plectrumque liramque,
Si donante Deo uirtus exegerit, huius
20
Regis perpetuum nomen laturus in euum.