1.
Transtulit Hectoreas studium, bone Iambone, proles,
Nos alienigenae progenuere patres.
Serviles animos dominae fecere monetae,
Quas patriae praefert immoderatus amor
5
De sale quid dicam? sal nec sapientia nobis
Adveniunt: fabricat iam sua claustra Sinon.
2.
Gracula si mater non occurrisset eunti,
Graculus inceptum continuasset iter.
Ibat ut exueret nigras teterrimus alas;
Obstitit et rauco gutture verba dedit:
5
Quo properas, mi nate? redi: tibi fata minantur:
Ne pereas, cursus ora reflecte tui.
Territus ad rapidi revolasse cubilia nidi
Fertur et in pluma delituisse sua.