Tumulus Viridellae puellae.
ipsamet dolens loquitur

In lapide est titulus Viridella, sed ipsa sepulcro

      Devirui: heu, tumulus nomina falsa gerit.

Tabuit in cineres Viridella, colorque decorque

      Nullus adest: heu, quid nomina vana iuvant?

5

Quin potius Cinerilla legar, Cinerilla sepulcro

      Inscribar; periit nam viror atque vigor.

Nec titulo est Viridella, nec est Viridella sepulcro

      Nomen: forma, vigor, denique nil superest.