Venantius Fortunatus carminum libri 11, 19

Altre sezioni


Inter multiplices epulas ieiunia mittis

      Atque meos animos plura uidendo cremas.

Respiciunt oculi medicus quod non iubet uti,

      Et manus illa uetat quod gula nostra rogat.

5

Attamen ante aliud cum lactis opima ministras,

      Muneribus uincis regia dona tuis.

Nunc cum matre pia gaudens soror esto, precamur:

      Nam nos laetitiae mensa benigna tenet.