Incipe luctificos anima perculsa dolore
Et gemibunda tuos concine maesta modos.
Concute singultu pectus, dio funus amarum
Et salso geminas perlue rore genas.
5
Non hic terrena deflentur carmine damna,
Non caro, non sanguis, non periturus amor;
Plangitur en pietas probitas prudentia sancta
Et pudor et grauitas et bona cuncta simul.
Omnibus his opibus quondam Basilla referta
10
Transiit e mundo, uiuat ut ipsa deo.
Quis, Basilla, tua condigne promere gesta
Virtutesque tuas enumerare queat?
Tu priuata uiro primaeuo flore iuuentae
Ad Christum celeri religione uenis.
15
M..................................
........................g..........
A..................................
...................................
N..................................
20
.............a..g..................
N..................................
V..................................
Q................................ parauit
................ hinc ueterana cupit.
25
Nulla tuos umquam superasset femina mores:
Semper amata bonis, maxima semper eris.
Auxiliare tuis, nunc te Pomponia quaeso,
Astris emeritis auxiliare tuis;
Sit tibi perplacidum, quod te programmate signo,
30
Quodque loquor breuiter sit tibi perplacidum.