Anthologia Vossiana 15 Z (= 412,1-12 R = 408 SB)
Carmina mortifero tua sunt suffusa ueneno
Et sunt carminibus pectora nigra magis.
Nemo tuos fugiet, non uir non femina, dentes,
Aut puer aut aetas undique tuta senis.
5
Vtque furens totas inmittit saxa per urbes,
In populum, sic tu uerba maligna iacis.
Sed solet insanos populus conpescere sanus
Et repetunt notum saxa remissa caput.
In te nunc stringit nullus non carmina uates
10
Inque tuam rabiem publica Musa furit.
Dum sua compositus nondum bene concutit arma
Miles, it e nostra lancea torta manu.
15-15a cohaerent in V