Rabirius de bello Aegiptiaco 1

Reference basis text: G. Zecchini, 1987

Editing of the digital edition: L. Sansone di Campobianco, 2009

Other sections


..............................

Proxim............... caelestia semper

Caesaris .. ad Phariam ...s....... excit

Hortans ille petit nato cum proelia portam,

5

Quem iuuenem grandaeuos erat per cuncta secutus

Bella, fide dextraque potens rerumque per usum

Callidus, adsiduus tractando in munere Martis.

Imminet opsessis Italus iam turribus hostis

Ante omnis milites nec defuit impetus illis.

10

................. illos sequitur .......

......... fugiunt ipsoque infecta cruore

Funera succedunt patriis deformia terris,

Et foeda ipsa magis quam si congesta laterent,

Cum superans Latius Pelusia moenia Caesar

15

Coeperat imperiis animos cohibere suorum:

"Quid capitis iam capta iacent quae praemia belli?

Subruitis ferro mea moenia. Quondam erat hostis

Haec mihi cum causa plebes quoque: denique uictrix

Vindicat hanc famulam Romana tot ensis gentem".

20

..............................

..............................

Numini Alexandro thalamos intrare dearum:

Dico etiam noluisse deam uidisse tumultus

Actiacos, cum causa fores tu maxima belli,

25

Pars etiam imperii. quae femina tanta, uirorum

Quae series antiqua fuit? ni gloria mendax

Multa uetustatis nimio cingebat honoris!

..............................

"Saepe ego quae uestris cupide sermonibus utor

30

Quas igitur segnis etiannunc quaerere causas

Exsanguisque moras uitae libet? Est mihi coniunx,

Parthos qui posset Phariis subiungere regnis

Qui statuit, nostraeque mori pro nomine gentis".

His igitur partis animus diductus in omnis,

35

Quid uelit incertum est, terris quibus aut quibus undis

Delectumque locum quo noxia turba coiret

Praeberetque suae spectacula tristia mortis.

Qualis ad instantis acies cum tela parantur,

Signa tubae classesque simul terrestribus armis,

40

Est facies ea uisa loci, cum saeua coirent

Instrumenta necis, uario congesta paratu:

Vndique sic illuc campo deforme coactum

Omne uagabatur leti genus, omne timoris.

Hic iacet absumptus ferro, tumet ille ueneno

45

Aut pendente cauis ceruicibus aspide mollem

Labitur in somnum trahiturque libidine mortis:

Percutit adflatu breuis hunc sine morsibus anguis,

Volnere seu tenui pars inlita parua ueneni

Ocius interemit, laqueis pars cogitur artis

50

Intersaeptam animam pressis effundere uenis;

Inmersisque freto clauserunt guttura fauces.

Has inter strages solio descendit et inter

Atque alia incipiens miseram me linquit amantem".

Sic illi inter se misero sermone fruuntur.

55

Haec regina gerit: procul hanc occulta uidebat

Atropos inridens inter diuersa uagantem

Consilia interitus, quam iam sua fata manerent.

Ter fuerat reuocata dies: cum parte senatus

Et patriae comitante suae cum milite Caesar

60

Gentis Alexandri currens ad moenia uenit,

Signaque constituit; sic omnes terror in artum

Atterere atque etiam portarum claustra nec urbem

Opsidione tamen nec corpora moenibus arcent

Castraque pro muris atque arma pedestria ponunt.

65

Hos inter coetus talisque ad bella paratus

Vtraque sollemnis iterum reuocauerat orbes

Consiliis nox apta ducum, lux aptior armis.

*

Armatum cane musa ducem belloque cruentam

70

Aegyptum ..............................

4

Hortans F. B.

fert his G.