Propertius elegiae 2, 27

Testo base di riferimento: P. Fedeli, 2005

Cura dell'edizione digitale: C. Formicola, 2010

Inserimento e controllo dei dati: P. Marzano, 2010

Altre sezioni


At uos incertam, mortales, funeris horam

      Quaeritis, et qua sit mors aditura uia!

Quaeritis et caelo, Phoenicum inuenta, sereno

      Quae sit stella homini commoda quaeque mala!

5

Seu pedibus Parthos sequimur seu classe Britannos,

      Et maris et terrae caeca pericla uiae;

Rursus et obiectum fles tu caput esse tumultu[m],

      Cum Mauors dubias miscet utrimque manus;

Praeterea domibus flammam metuisque ruinas,

10

      Neu subeant labris pocula nigra tuis.

Solus amans nouit quando periturus et a qua

     Morte, neque hic Boreae flabra neque arma timet.

Iam licet et Stygia sedeat sub harundine remex,

      Cernat et infernae tristia uela ratis,

15

Si modo clamantis reuocauerit aura puellae,

      Concessum nulla lege redibit iter.

7

fles tu Housman coll. Cic. fam. 10,24,5 scis tu, ubi enuntiatum non est interrogativum

fletus N Rothstein I 384 et, Salvatore p. 177 perperam deff., Fedeli 1984 inter cruces posuit

flemus F L P Heyworth

fletis ς