Mentiri noctem, promissis ducere amantem,
Hoc erit infectas sanguine habere manus!
13
Nunc iacere e duro corpus iuuat, impia, saxo
Sumere et in nostram trita uenena necem. 
3
Horum ego sum uates, quotiens desertus amaras
Expleui noctes, fractus utroque toro.
5
Vel tu Tantalea moueare ad flumina sorte,
Vt liquor arenti fallat ab ore sitim,
Vel tu Sisyphios licet admirere labores,
Difficile ut toto monte uolutet onus,
Durius in terris nihil est quod uiuat amante,
10
Nec, modo si sapias, quod minus esse uelis.
Quem modo felicem Inuidia admirante ferebant,
Nunc decimo admittor uix ego quoque die,
15
Nec licet in triuiis sicca requiescere luna
Aut per rimosas mittere uerba fores.
Quod quamuis ita sit, dominam mutare cauebo:
Tum flebit, cum in me senserit esse fidem.
2
erit ω
erat ς
contatti: 