Icci, beatis nunc Arabum inuides
Gazis et acrem militiam paras
Non ante deuictis Sabaeae
Regibus horribilique Medo
5
Nectis catenas? quae tibi uirginum
Sponso necato barbara seruiet,
Puer quis ex aula capillis
Ad cyathum statuetur unctis
Doctus sagittas tendere Sericas
10
Arcu paterno? quis neget arduis
Pronos relabi posse riuos
Montibus et Tiberim reuerti,
Cum tu coemptos undique nobilis
Libros Panaeti Socraticam et domum
15
Mutare loricis Hiberis,
1314
nobilis libros Panaeti Ξ
nobiles libros panaeti Ψ