Horatius carmina 1, 8

Testo base di riferimento: F. Klingner, 1959

Cura dell'edizione digitale: G. C. Musa, 2009

Altre sezioni


Lydia, dic, per omnis

Te deos oro, Sybarin cur properes amando

Perdere, cur apricum

Oderit campum patiens pulueris atque solis,

5

Cur neque militaris

Inter aequalis equitet, Gallica nec lupatis

Temperet ora frenis?

Cur timet flauum Tiberim tangere? cur oliuum

Sanguine uiperino

10

Cautius uitat neque iam liuida gestat armis

Bracchia, saepe disco,

Saepe trans finem iaculo nobilis expedito?

Quid latet, ut marinae

Filium dicunt Thetidis sub lacrimosa Troiae

15

Funera, ne uirilis

Cultus in caedem et Lycias proriperet cateruas?

2

te deos oro Ψ

hoc deos uere Ω

hoc deos oro δ π ¹ R ²