Catullus carmina 58b

Altre sezioni


Non custos si fingar ille Cretum,

Non Ladas ego pinnipesue Perseus,

Non si Pegaseo ferar uolatu,

Non Rhesi niueae citaeque bigae;

5

Adde huc plumipedas uolatilesque,

Ventorumque simul require cursum,

Quos uinctos, Cameri, mihi dicares:

Defessus tamen omnibus medullis

Et multis languoribus peresus

10

Essem te mihi, amice, quaeritando.