Inger mi calices amariores,
Vt lex Postumiae iubet magistrae
Ebrioso acino ebriosioris.
5
At uos quo lubet hinc abite, lymphae,
Vini pernicies, et ad seueros
Migrate: hic merus est Thyonianus!
1
vv. 1-4 Gell. 6,20,6: Catullus quoque elegantissimus poetarum in hisce uersibus: minister uetuli puer Falerni,/ inger mi calices amariores,/ ut lex Postumiae iubet magistrae,/ ebria acina ebriosioris, cum dicere 'ebrio' posset, quod erat usitatius 'acinum' in neutro genere appellare, amans tamen hiatus illius Homerici suauitatem 'ebriam' dixit propter insequentis a litterae concentum. qui 'ebriosa' autem Catullum dixisse putant, aut 'ebrioso' - nam id quoque temere scriptum inuenitur -, in libros scilicet de corruptis exemplaribus factos inciderunt.