Pedicabo ego uos et irrumabo, 
Aureli pathice et cinaede Furi,
Qui me ex uersiculis meis putastis,
Quod sunt molliculi, parum pudicum.
5
Nam castum esse decet pium poetam
Ipsum, uersiculos nihil necesse est;
Qui tunc denique habent salem ac leporem,
Si sunt molliculi ac parum pudici
Et quod pruriat incitare possunt,
10
Non dico pueris, sed his pilosis,
Qui duros nequeunt mouere lumbos.
Vos, quod milia multa basiorum
Legistis, male me marem putatis?
Pedicabo ego uos et irrumabo.
1
vv. 5-8: Plin. epist. 4,14,5; vv. 5-6: Apul. apol. 11
contatti: 