Furi et Aureli, comites Catulli,
Siue in extremos penetrabit Indos,
Tunditur unda,
5
Siue in Hyrcanos Arabasue molles
Seu Sacas sagittiferosue Parthos,
Siue quae septemgeminus colorat
Aequora Nilus,
Siue trans altas gradietur Alpes,
10
Caesaris uisens monimenta magni,
Gallicum Rhenum, horribile aequor ulti-
Mosque Britannos,
Omnia haec, quaecumque feret uoluntas
Caelitum, temptare simul parati:
15
Pauca nuntiate meae puellae
Non bona dicta:
Cum suis uiuat ualeatque moechis,
Quos simul conplexa tenet trecentos,
Nullum amans uere, sed identidem omnium
20
Ilia rumpens;
Nec meum respectet, ut ante, amorem,
Qui illius culpa cecidit uelut prati
Vltimi flos, praetereunte postquam
Tactus aratro est.
3
resonante V
resonans Stat.