Laurea epigramma

Testo base di riferimento: J. Blänsdorf, 2011

Cura dell'edizione digitale: P. Mastandrea, S. Arrigoni, 2015

Inserimento e controllo dei dati: S. Arrigoni


Quo tua, Romanae uindex clarissime linguae,

      Silua loco melius surgere iussa uiret

Atque Academiae celebratam nomine uillam

      Nunc reparat cultu sub potiore Vetus,

5

Hoc etiam apparent lymphae non ante repertae,

      Languida quae infuso lumina rore leuant.

Nimirum locus ipse sui Ciceronis honori

      Hoc dedit, hac fontes cum patefecit ope,

Vt, quoniam totum legitur sine fine per orbem,

10

      Sint plures oculis quae medeantur aquae.

Plin. nat. 31, 7: huius (scil. uillae Ciceronis apud Puteolos sitae) in parte prima exiguo post obitum ipsius Antistio Vetere possidente eruperunt fontes calidi perquam salubres oculis, celebrati carmine Laureae Tulli, qui fuit e libertis eius, ut protinus noscatur etiam ministeriorum haustus ex illa maiestate ingenii. ponam enim ipsum carmen (Morel) ubique et non ibi tantum legi: "quo tua ... aquae".