Flamina uerna cient obscuro lumine Pisces
Curriculumque Aries aequat noctisque dieique,
Cornua quem condunt florum praenuntia Tauri.
Aridaque aestatis Gemini primordia pandunt
5
Longaque iam minuit praeclarus lumina Cancer
Languificosque Leo proflat ferus ore calores.
Post modium quatiens Virgo fugat orta uaporem.
Autumni reserat portas aequatque diurna
Tempora nocturnis dispenso sidere Libra.
10
Ecfetos ramos denudat flamma Nepai,
Pigra Sagittipotens iaculatur frigora terris,
Bruma gelu glacians iubar est spirans Capricorni,
Quam sequitur nebulas rorans liquor altus Aquari.
Tanta supra circaque uigent haec lumina mundi.
15
At dextra laeuaque ciet rota fulgida Solis
Mobile curriculum et Lunae simulacra feruntur
<>
Squama sub aeterno conspectu torta Draconis
Eminet. Hunc infra fulgentes Arcera septem
Magna quatit stellas, quam seruans serus in alta
20
Conditur Oceani ripa cum luce Bootes.
3
condunt Scaliger
comunt Auson. ecl. 25 codd.
Auson. ecl. 25 (p. 114 Prete = app. A. 8, p. 705 Green): Quinti Ciceronis hi uersus eo pertinent, ut quod signum quo tempore inlustre sit nouerimus. quod superius quoque nostris uersibus expeditur: "flamina ... Bootes".