Cicero Aratea, prognosticorum fragmenta 4

Testo base di riferimento: J. Soubiran, 2002

Cura dell'edizione digitale: P. Mastandrea, S. Arrigoni, 2002

Inserimento e controllo dei dati: S. Arrigoni

Altre sezioni


Vos quoque signa uidetis, aquai dulcis alumnae,

Cum clamore paratis inanis fundere uoces

Absurdoque sono fontis et stagna cietis.

Saepe etiam pertriste canit de pectore carmen

5

Et matutinis acredula uocibus instat,

Vocibus instat et assiduas iacit ore querelas,

Cum primum gelidos rores aurora remittit;

Fuscaque non numquam cursans per litora cornix

Demersit caput et fluctum ceruice recepit;

10

Mollipedesque boues, spectantes lumina caeli,

Naribus umiferum duxere ex aere sucum.

5

Et matutinis acredula uocibus instat Cic. div. 1, 14

et matutinos exercet acredula cantus Isid. 12, 7, 37, Hrab. Maur. p. 247, Gloss. in cod. Reg. 4778 (s.v. "accredula", col. 50a)

Cic. div. 1, 15 (uu. 1-3): Videmus haec signa numquam fere mentientia nec tamen cur ita fiat uidemus: "Vos quoque ... cietis".

Cf. etiam Cic. div. 1, 14 (uu. 4-9): Illa uero cur eueniant quis probabiliter dixerit: "Cana fulix ... e gutture cantus. Saepe etiam ... ceruice recepit".

u. 5 habent etiam Isid. 12, 7, 37: Eadem et acredula, de qua Cicero in Prognosticis "Et matutinos exercet acredula cantus"; Hrab. Maur. p. 247: eadem et acedula, de qua Cicero in Prognosticis "Et matutinos ... cantus"; Gloss. in cod. Reg. 4778: acredula luscinia, auis modica, de qua Cicero in Prognosticis: "Et matutinos ... cantus".

Cf. Cic. div. 1, 15 (uu. 10-11): "Mollipedesque ... sucum". Non quaero cur, quoniam quid eueniat intellego.

Cf. Aratus Phaen. 946-955: ἢ μᾶλλον δειλαὶ γενεαὶ, ὕδροισιν ὄνειαρ,/ ...οὐρανὸν εἰσανιδόντες ἀπ' αἰθέρος ὠσφρήσαντο·