Faue, sancta deum sata,
Nullis, Pauperies, numinibus minor,
Tecum si sapias tibi;
Vitae magnificis hospes honoribus,
5
Absoluens numerum tuae
In te laetitiae, sordida, cum quies
Raucis nuda tumultibus
Ambit te patria †forcilis in domo,
Nullis uendibilis plausibus,
10
Contemptrix queruli magnanimis fori;
Nil non sola potens, ubi
Furtiuis procerum suppliciis procul
Regnas in proprio sinu.
Felix, quem teneris mater ab unguibus
15
Et regina rapis simul!
Non illum <tumidis> fascibus arduum
Versat nobilitas mala
Curarum facilem fluctibus, ut suis
Orbem sideribus rotet.
20
Illum splendida nox et decor improbe
Caecus praecipitant ...
...