Vade, liber, nostri fato meliore memento;
Cum leget haec dominus, te sciat esse meum.
Nec metuas fuluo strictos diademate crines,
Ridentes blandum uel pietate oculos.
5
Communis cunctis, hominem se regna tenere
Si meminit, uincit hinc magis ille homines.
Ornentur steriles fragili tectura libelli:
Theudosio et doctis carmina nuda placent.
Si rogat auctorem, paulatim detege nostrum
10
Tunc domino nomen: me sciat esse Probum.
Corpore in hoc manus est genitoris auique meaque:
Felices, dominum quae meruere, manus!