Pastorum Musam uario certamine promit
Ruris item docili culturam carmine monstrat
Arboribus uites, prolem et iunxit oliuae
Pastorumque Palen et curam tradit equorum;
5
Tunc apium seriem, mellis et dona recenset
Aeneas profugus intrat Carthaginis oras
Continuo series narratur Troica belli
Tertius et complet narrantis †ordine gesta
Ardet amans Dido fatum sortita supremum.
10
Quintus habet tumuli uaria spectacula patris
Infernos Manes et Ditis regna pererrat.
Aeneas Latium, Italas simul intrat in oras.
Intonat hic bellum tecti de culmine Turnus.
Euryalum et Nisum deflet cum matre iuuentus.
15
†Pallantis exitium et Turni deluditur orsus
Euanderque simul multorum funera deflet.
Turni uita fugit infernas maesta sub umbras.