Omnipotens, uis trina, deus, pater, optima rerum,
Quo generante satus sine tempore semine matre,
Ortus †sine loco uel membris, post caro natus,
Permittens cerni, multo quoque nomine dictus:
5
Spes, ratio, uia, uita, salus, sapientia, mens, mons,
Iudex, porta, gigas, rex, gemma, propheta, sacerdos,
Messias, Sabaoth, rabbi, sponsus, mediator,
Virga, columba, manus, petra, filius, Emmanuel, lux,
Vinea, pastor, ouis, pax, radix, uitis, oliua,
10
†Fons, haedus, panis, agnus, uitulus, leo, Iesus,†
Verbum, homo, rete, lapis, dominus, deus: omnia Christus.