anthologia Latina 661

Altre sezioni


Hic gemini fratres iuncti dant membra sepulchris,

      Quos iunxit meritum, consociauit humus.

Germine barbarico nati, sed fonte renati

      Dant animas caelo, dant sua membra solo.

5

Aduenit Sagilae patri cum coniuge luctus,

      Defungi haud dubie qui uoluere prius.

Sed dolor est nimius Christo moderante ferendus.

      Orbati non sunt: dona dedere deo.