Sedulius domini per culta noualia pergenS
En loca prospexit multo radiantia florE
Discurrit per prata libens, quo gramine DauiD
Vidit diuino modulantem carmina cantV.
5
Laudabili psallente uiro refluunt citharae meL
Ille ubi grandisoni captus dulcedine plectrI
Vritur et celeri graditur per lilia passV
Sacratosque iterum late conspexit amoenoS,
Aeterna Christi fluuius quos abluit undA,
10
Nec passus torpere diu doctoris acumeN
Tunc sua Dauiticus delectus plectra poposciT.
Irrita polluti contemnens numina mundI
Signa crucis fronti ponit, breuiterque triumphoS
Tangit, Christe, tuos numerosaque praemia libaT.
15
Ergo dum uario decorat sua rura colorE,
Stabunt hi garrula dicti testudine uersuS.