Sedulius Christi miracula uersibus edenS
Emicat, inuitans paruae ad sollemnia mensaE
Dignum conuiuam: non hunc, †qui carperet illuD,
Vix quod nobilium triplici fert aula paratV,
5
Laetum quod ponit sub aurea tecta tribunaL,
In quo gemmiferi (totque aurea uasa) canistrI
Viuida pro modico portant sibi prandia uictV,
Sed quod holus uile producit pauperis hortuS.
At post delicias properant qui sumere magnA,
10
Nituntur paruum miserorum spernere germeN,
Tutum quod nihil est, dum nil cum uentre tumesciT
Insidias membrisque mouens animaeque ludentI
Si tamen his dapibus uesci dignatur egeniS,
Temnat diuitias animus paucisque quiescaT,
15
Exemplo adsumptus Domini, qui milia quinquE
Semotis cunctis modicis saturauit ac esciS.