anthologia Latina 377

Testo base di riferimento: D. R. Shackleton Bailey, 1982

Cura dell'edizione digitale: P. Tempone, 2009

Altre sezioni


377 R = 372 SB

 

Versus balnearum

 

In paruo magnas fecit manus, ardua, baias.

Culmina distendit niueis suspensa columnis,

Curuauit cameras uario pro <s>chemate conchis.

Marmora resplendent solida conpage decora,

5

Vnitumque mentita <simul> decus arte magistri.

Murmure raucisono fornacibus aestuat ardor;

In flammis dominantur aquae, furit ignis in undis.

Stat <t>utus lautor multo circumdatus igne

Innocuas inter flammas (mirabile dictu),

10

Ignibus ut possit feruores uincere solis.

Inde petit latices glaciali fonte fluentes.

Hinc calor, inde niues repara<nt> per membra salutem.

Discurrunt nymphae, piscinas flumina replent.

Vitrea crispatur labris refluentibus unda.

15

Hae<c> tibi sunt monumenta. tibi natisque manebunt

Et decora<bi>t auus claros per saecla nepotes;

Tu tamen excelsus per tempora longa fruaris.

Versus balnearum

uersus uualnearum A