anthologia Latina 273

Testo base di riferimento: D. R. Shackleton Bailey, 1982

Cura dell'edizione digitale: P. Tempone, 2009

Altre sezioni


273 R = 267 SB

 

MODESTINI

 

Forte iacebat Amor uictus puer alite somno

Myrti inter frutices pullanti ruris in herba.

Hunc procul emissae tenebrosa Ditis ab aula

Circuerunt animae, saeua face quas cruciarat.

5

'Ecce meus uenator' ait 'hunc' Phaedra 'ligemus!'

'Crudelis crinem' clamabat Scylla 'metamus!'

Colchis et orba Progne 'numerosa caede necemus!'

Dido et Canace, 'saeuo gladio perimamus!'

Myrrha 'meis ramis!', Euhadne 'igne crememus!'

10

'Hunc' Arethusa 'in aquis', Byblis 'in fonte necemus!'

Ast Amor euigilans dixit: 'mea pinna, uolemus!'

273 R = 267 SB Habet etiam B titulo et primo versu omissis