240 R = 233 SB
Cupido amans
Quis me feruor agit? noua sunt suspiria †mentis†.
Anne aliquis deus est nostro uehementior arcu?
Quem mihi germanum fato fraudante creauit
Diua parens? <nimis> an <iam> spicula fusa per orbem
5
Vexauere polum, laesusque in tempore mundus
Inuenit poenam? sed si mea uulnera noui,
Hic meus est ignis, meus est, qui parcere nescit.
En Furiis Irisque trahor! licet orbe superno,
Iuppiter, atque altis undis, Neptune, tegaris,
10
Abdita poenarum te cingant Tartara, Pluton:
Inpositum rumpemus onus. uolitabo per axem
Mundigerum caelique plagas pontique procellas
Vmbriferumque Chaos. pateant adamantina regna,
Torua uenenatis cedat Bellona flagellis!
15
Poenam mundus amet, stupeat, †uix maior†, anhelet!
Ins<t>e<t> saeuus amor fraudemque in uulnere quaerat!