anthologia Latina 195

Altre sezioni


Horrida cornuto procedit belua rostro,

      Quam diues nostris India misit oris

Sed licet immani pugnet proboscide barrus

      Spondeat et saeuis dentibus interitum,

5

Fert tamen et domitus residentis iussa magistri,

      Quoque uelit monitor, cogitur ire ferus.

Vis humana potest rabiem mutare ferinam:

      Ecce hominem paruum belua magna timet.