Anthologia Latina 149 R (= 158
Aliter
Defensor probe tristium reorum,
Cuius uoce sacrum tonat tribunal
Et palmas capiunt lares Vitenses,
Cur post athla fori togaeque pompam
5
Gaudens monstrifero calere luxu,
Vectricis propriae furens in usus
Fessae cornipedis fricas meatum,
Verso et munere dignitatis optas
Admissarius esse quam patronus?
10
Expellas animo nimis, rogamus,
Mores inlicite libidinantes.
Horrendum uitium est in aduocato
Orando solito mouere caulas